تعالالي يا قمر
نور سكتي
رجع بسمتي
وقوللهم
انهم
مش زي ما كنت متخيلة
عود اخضر فوق شجر
طلعوا الورق
اللي بيقع في اخر السنه
يطلع غيره.. بدل اللي راح
ورق اخضر على عود اخضر
لكنهم في آخر السنه هيقعوا
هيروحوا
احساس مزيف بالحياة
او هي دي الحقيقة اللي فــ عمرنا
عيدان خضرا
وورق اخضر
* * * * *
لفيت ورحت وجيت
عديت بحور وبلاد
يمكن ألاقي جواب
اتأملت المخلوقات
فيها الضعيف,,
فيها القوي
فيها ا لصغير والكبيـــر
يحكمهم قانون الغاب
لاحد نطق او اتكلم
لاحد فــ يوم صرخ في وش الظلم
وقال لأ
كله بيستخبى في ا لجحور
كله بشتم ويلعن من وراء الضهور
كل ده و ا لنسور..
بتعلن حكمها
وتيجي الرعايا تتمسح وتتبرك
ويقولوا آميــــن
النهارده أرنب عـ الفطار
والعصفور ده كبلوه..
لا....
اسجنوه في براح
اطعموه
اوعوا تجوعوه
لاجل مايكون العَشا
وييجي العِشا
ينتفوا الريش
ويبدؤوا مراسم الوليمة
ودقوا الجرس
لا حد عليه جرؤ يبكي
حتى هو...انخرس
وما يعرفوش...
يمكن ما فكروش
ان كله بيقع
ورق اخضر او اصفر
عيدان خضرة او يابسه
بس اليابس بعد الوقوع بيتكسر
بينداس
وبيطلع عود جديد
عليه الورق
في فصل جديد
ليست هناك تعليقات:
إرسال تعليق